Monday, June 25, 2012

"වන් මෑන්'ස් ඩ්‍රීම්" (One Man's Dream)

   මම ගොඩාක් ආස කරන වගේම රසවිඳින මියුසික් ක්ලිප් එකක් තමයි "යානිගෙ වන් මෑන්'ස් ඩ්‍රීම්". දවසෙම හති වැටෙනෙකම් ලුම්පන් බලවේග අපේ ඔලු වලට පටවපු ජීවිතේ සිල්ලර ඉලක්ක, එහෙමත් නැත්නම් අරමුණු පස්සෙ දුවල දුවලා රෑට නිදාගන්න හදන වෙලාවක එන්හේස්මෙන්ට් එකක් දාගෙන "වන් මෑන්'ස් ඩ්‍රීම්" ඇහුවාම එලි වෙනකම් ම කල්පනා කර කර රාත්‍රියේ කලුවරත් එක්ක මිශ්‍ර වෙලා එන පාලුවයි, ඒත් එක්ක ම සෙට් වෙච්ච වචනෙන් කියලා විස්තර කරන්න අමාරු හැඟීමුයි රසවිඳින්න පුලුවන්. :ඩී

   නදීක ගුරුගේ නම් මේ අවස්ථාව විස්තර කරන්නෙ,

        "එතනදී කාලය ශුහුන්යයි,
         අවකාශය අනන්තයි.."


කියල. කොහොමින් කොහොම හරි හීන වලට අපේ ජීවිත වල ගොඩාක් වැදගත් තැනක් තියෙනව නේ. බලාපොරොත්තු නැති බන්ගස්තාන වෙලා, මරියානා ආගධෙනුත් පල්ලෙහාට වැටිල ඉන්න වෙලාවල් වලට මිනිහෙක්ට අලු ගසල දාල ෆීනික්ස් කුරුල්ල වගේ නැගිටින්න ඔක්සිජන් දෙන්නෙ හීන මිසක් වෙන කව්ද.. නේද. (ඔය වගේ වෙලාවකට යට වෙච්ච හීන මතු කරල දෙන්න හරි, අලුතින් හීනයක් හදල දෙන්න හරි ගොඩක් දෙනෙක්ට දෙවැන්නෙක්ගෙ උදව් ඕන වෙන එක වෙනම කතාවක්).
     ඇල්කෙමිස්ට් සන්තියාගෝට කිව්වෙ "Continue dreaming, Believe in omens" කියල නෙ. ඒ කියන විදියට හීන වලින් පේන්නේ අපේ යටි හිතේ තියෙන දෙවල් ම වෙන්නත් අමාරුයි නෙ. ඒත් නිධානයක් හරි, ඊජීප්තුවේ පිරමීඩ හරි සන්තියාගෝ ගෙ යටි හිතේ තිබ්බෙ නෑ කියල කියන්නත් කාටවත් බෑ නේ. ඔය මොන දේ උනත් "The Alchemist   " නිකන් ම නිකන් ෆැන්ටසියක් කියල විතරක් හිතන කට්ටියකුයි, පාවුලෝ කොය්යො, හෑන්ස් ක්‍රිස්ටියන් ඇන්ඩර්සන් වගේ සුරන්ගනා කතා කාරයෙක් කියල හිතන පොරවලුයිත් ඉන්නව නෙ. නැද්ද මo අහන්නෙ? :)

   කොහොමින් කොහොම හරි අපි ඉපදුන මොහොතෙ ඉඳන් අපි වටේ ඉන්න අයයි, අපියි ඔක්කොමල අපි ගැන හීන දකිනව නෙ. අපි වයසින් වැඩෙන කොට හීනත් අපි වගේ ම ලොකු වෙනවා. එහෙම තමයි හීන මාලිගාවල් වලට බදාම, කොන්ක්‍රීට් ඇනෙන්නෙ. මොකක් හරි වෙලා හීන මාලිගාවක් සුන්නද්දූලි වෙලා ගියොත් නම් ඉතින් ඒක ලොකු දුකක් නෙ. එතකොට ඩුබායි වලින් ට්‍රාන්සිස්ට් තියෙන එමිරේට්ස් ෆ්ලයිට් එකක ඉකොනොමි පැසෙන්ජර් කෙනෙක් වගේ අපිටත් ලට්ට ලොට්ට ඔක්කොම උස්සගේන අලුත් හීනෙකට, නැත්නම් හීන මාලිගාවකට ගොඩ වෙන්න බැරි කමක් නැත්තෙම නෑ නෙ. (හැබැයි මේක ප්‍රායෝගිකව කරන කොට ටිකක් අමාරුයි.)





   හීන අතුලේ ජීවත් වෙන අපි හැමෝම, ජීවත් වෙන්නෙ හීනයක් ඇතුලෙ කියල දන්නේ නෑ නෙ. ඒක හරියට "ඔබ සිටින්නේ මගේ සමුද්දේශ රාමුවේයි" කියල ජනක සර් කිව්ව ම අපි ගත්ත ගොන් ආතල් එක වගේ කතාවක් නෙ. ලෝකෙ අද තියෙන තැනට ගෙනාවේ මිනිස්සුන්ගෙ හීන කියල කිව්වොත්, "මොන බොරුද යකෝ, එතකොට අර අපි "ඇස්ට්‍රොනොමි ඔලිම්පියාඩ්" එකට පාඩම් කරේ අහවල් එකක් ද?..?" කියල අහන පොරවලුත් මේක කියවයි නේ. :ඩී

    දැන් නම් මට හීන ලොකේ ගැන ලිව්ව ඇති වගේ කියල හිතෙනව. කොහොමත් යානිගෙ "One man's Dream" මිනිත්තු 3.37 ක ක්ලිප් එකක් නෙ. රෑ එලි වෙනකන් කල්පනා කරන්න දෙවල් එනව කිව්වට මට රෑ එලි වෙනකන් මේ පෝස්ට් එක ලියන්නත් බෑ නෙ. හික් හික් :ඩී

   මo මේ, රතු පොළොවෙන් ස්වයoජාත රත් හැල් මතුවෙනකන් බලන් ඉන්න දියසේන වාදින්ටයි, කන්දක් උඩ ගිනි පිඹින මකරෙක් ආරක්ශා කරන බලකොටුවක හිර කරල ඉන්න ෆියෝනා කුමාරිටයි, එයාගේ චාමින් කුමාරයටයි, වින්ඩෝ ලවින්ග්  කන්සෙප්ට් එක ඔලුව උඩ තියන් ඉන්න ඒකාලටයි, ගිටාර් එකක් එල්ල ගෙන නට නට "No woman No cry" කියල කෑගහල කියල ගෙදර ගිහින් අරකි නැති පාලුවට කොට්ටෙ බදන් අඬන සිරාම ලවර්ස්ලටයි, අපිත් එක්ක පිස්සු නටල නටල ගෙදර ගිහින් "v ප්‍රවේගෙන්" පාඩම් කරල බ්‍රහස්පතින්දා ටෙස්ට් එකෙන් ටොපා වෙන්න ගේම දෙන පොරවල් වලටයි ඔක්කොමලට කියන්නෙ, "Continue Dreaming, Believe in Omens.." (ඒත් මන් ඇල්කෙමිස්ට් නෙවෙයි හොඳේ. :ඩී :ඩී)



(Forgive me for not mentioning such things like "I have a dream", "in my dreams", " Dreamy girl" etc..)

1 comments :

Categories